Kansas City ZCC Thonaw kung

Kansas City khua hynh Paaw Joseph Than Shwe te Paaw Bwe Ki nynh masatou va thua tou hae zah 2007 kum te Malaysia te a thuapaw hae va um chih zah 2008 Kum August saw te Chin Christian Fellowship (CCF ) cite Va thadyng hae.
Te, Rev. Moses Cung Mang khah President vatang zah Paaw Khung Za Mang kha Chairman lang vatang.

Kum 2010 lang hei ae thua tuh Zotung Minphuin Malaysia te ae thuapaw ccungccaw khah ae lungchih vae zah Haekhaw bya/Vaebya te mangnaw kha ahoite nginkho a thua vae khyh keiccuzei,
ah maw Zotung bya/ Zotung hlaw te Pachia behkhonaw lang March 07, 2010 kum te Inndong ( 13 ) Mihlu (61 ) te Zotung Christian Church ( ZCC ) cite kriccawbu tu Kansas City kya lungtua te thadyngsah kho athua vae.

Hynhawte, Bawipaw umkhaenaw lia te thadynkho a thua kou te Zotung minphuin sungsahkute Pynsaw/Muisaw kaethung naw ung zah, oun cciakhae tu Bawipaw min tu a zungzae cia thehoy thuasah. Amen!!